राम जन्म सोहर

                
                                                         
                            आजु अवध-नगरिया में, बाजे बधइया हो।
                                                                 
                            

                                                                 
                            
राम-ललन जनमले, छाई खुशहलिया हो॥
                                                                 
                            

                                                                 
                            
दमके दशरथ-भवनवा, जोत जगमगाये हो।
                                                                 
                            

                                                                 
                            
मइया के अँचरा में, सुख-सिंधु समाये हो॥
                                                                 
                            

                                                                 
                            

                                                                 
                            

                                                                 
                            
नाचे-गावे डगरिया, बाजे मृदंगवा हो।
                                                                 
                            

                                                                 
                            
आइल सुर-मुनि टोली, लेके आनंदवा हो॥
                                                                 
                            

                                                                 
                            
फूले अँगना कुसुमवा, महके दुवरिया हो।
                                                                 
                            

                                                                 
                            
आई अइसन शुभ-घरिया, हरषे डगरिया हो॥
                                                                 
                            

                                                                 
                            

                                                                 
                            

                                                                 
                            
ललना मुखड़ा सोहावन, चनवा लजाये हो।
                                                                 
                            

                                                                 
                            
देखि-देखि मन हरषे, अँखिया सिहाये हो॥
                                                                 
                            

                                                                 
                            
संगहिं सखी-सहेली, गावें सोहरिया हो।
                                                                 
                            

                                                                 
                            
गूँजे चारों ओरिया, जय-जयकारिया हो॥
                                                                 
                            

                                                                 
                            

                                                                 
                            

                                                                 
                            
दूध-दही घी बरसे, थार सजाये हो।
                                                                 
                            

                                                                 
                            
झूमे सब नर-नारी, मंगल गाये हो॥
                                                                 
                            

                                                                 
                            
पाइके ललना के दरसन, भाग जगे आज हो।
                                                                 
                            

                                                                 
                            
भक्तन मनवा में बसले, सगरी साज-बाज हो॥
                                                                 
                            

                                                                 
                            

                                                                 
                            

                                                                 
                            
आवा सखी सब मिलके, सोहर गाईं हो।
                                                                 
                            

                                                                 
                            
राम-जनम के बेला, सुख बरसाईं हो॥
                                                                 
                            

                                                                 
                            
गूँजे गगन-अँगनवा, जय-सिय-राम हो।
                                                                 
                            

                                                                 
                            
भइल मंगलमय जगवा, पूरण काम हो॥
                                                                 
                            

                                                                 
                            
- सनातन मुकुंद
                                                                
                
                
                 
                                
                                            

                        - हम उम्मीद करते हैं कि यह पाठक की स्वरचित रचना है। अपनी रचना भेजने के लिए यहां क्लिक करें।